Түпқараған орталық ауруханасында, ауыл тұрғыны, 13 жасар қыз балаға жедел аппендицит ( острый аппендицит ) отасы жасалды. Науқасқа жасаған ота сәтті аяқталып, қәзіргі таңда жағдайы жақсы.Аталған ота және отаға дейінгі барлық қажетті тексерулер МӘМС жүйесінде тегін жүргізіліп келеді.

-Науқас үйінде бір күн ауырып, кешке аурухнаға келіп түсті. Педиатр дәрігер мен хирургпен қаралып,тиісті сараптамалар алынып, жедел аппендицит ( острый аппендицит ) диагнозы қойылып,ата- анасына жедел ота жасау керектілігі түсіндірілді, келісімі алынып,науқасқа ота жасалды. 1 сағатқа созылған ота сәтті өтті. Кәзіргі таңда науқастың жағдайы жақсы,жазылып келе жатыр,үй жағдайына шығару жоспарлануда,-дейді хирург дәрігер Қартбаев Асылхан Сергалиевич.

- Алғашқы сөз басын, ауданымыздың білікті дәрігерлеріне аналық жүрегімнен алғыс айтумен бастағым келіп отыр. Кешкісін, қызым ішім ауырып тұр дегесін, педиатр дәрігер Анар Әминқызына телефон шалып,жағдайымды айтып едім, дәрігер аппендициттің белгісі деп,жедел ауруханаға жеткіз деді. Ауруханаға келіп, хирург те сол диагнозды қойып,демалыста жатқан дәрігерлер мен мейірбикелерді шақыртып, отаны жасады. 1 сағатқа созылған ота сәтті аяқталып,кәзір баламның жағдайы алла шүкір жақсы. Ауданымыздағы медицина қызметкерлеріне рақметім шексіз, жұмыстарының жемісін көріп,білікті мамандар көбейе берсін, ауылымыз өркендей берсін дегім келеді.