ТҮПҚАРАҒАНДА ҰЛЫСТЫҢ ҰЛЫ КҮНІ НАУРЫЗ МЕРЕКЕСІ ТОЙЛАНДЫ!

Наурыз – ұлы далада сан ғасыр бойы тойланып, атадан балаға мұра болып келе жатқан ұлық мереке. Жер дүние жаңарып, күн мен түн теңелетін айтулы күні, жылына бір келетін Наурыз мерекесі ауданда жақсы көрініспен бастау алды. Форт-Шевченко қаласының теңіз жағалауында Ұлыстың ұлы Наурыз мерекесі  тойланды. Мерекелік сахна әдеттегідей ән мен жырға толды. Ұлттық киім киген аудан өнерпаздары да Наурыз тойын шаттық тойы етіп тойлады.  

Дүбірі алыстан естіліп жатқан мерекенің алғашқы шымылдығын аудан әкімі Рахат Елтизаров тұрғындарды Ұлыстың Ұлы күні Наурыз мерекесімен құттықтауымен ашты.

Мерекеде қой көтеру, арқан тартысып ұлттық құндылықтарды дәріптеп жүрген жастар ұлттық ойынның көркін қыздырды.Дүбірлі думанды тамашалауға келгендердің де қарасы қалың.

Осындай берекелі,мерекелі мерекеде Түпқараған орталық аудандық аурухана ұжымы киіз үй тігіп, дастарханнан дәм татуын ұсынды.